ატოპიური დერმატიტი

ატოპიური დერმატიტი არის საკმაოდ გავრცელებული კანის დაავადება ბავშვებში. ეს არის ქრონიკული, ანთებითი მდგომარეობა ზედმეტად აქტიური იმუნური პასუხის გამო შიდა და გარე გამღიზიანებლის მიმართ. ხშირად მას მოიხსენიებენ რამდენიმე სახელით, კერძოდ:

• ეგზემა (ყველაზე ხშირად გამოყენებადი სახელწოდება)
• დერმატიტი
• ატოპიური ეგზემა
• ატოპიური დერმატიტი

ეგზემა არის სახელწოდება ისეთი მდგომარეობებისთვის, რომლებიც იწვევენ კანის ანთებას, შეწითლებას და ქავილს. დერმატიტი კი კონკრეტულად – კანის ანთება. ატოპია – გენეტიკური მიდრეკილება ალერგიული მდგომარეობების განვითარებისკენ (ეგზემა, ასთმა და ა.შ.).

ატოპიური დერმატიტი იწვევს ქავილს, სიწითლეს და აქერცვლას კანის იმ უბანზე, სადაც ის არის გავრცელებული.  ბავშვების 65%-ს ვისაც აქვს ეს დაავადება, სიმპტომები გამოუვლინდება 1 წლის ასაკამდე. 90%-ს კი  5 წლამდე.

ატოპიური დერმატიტის სიმპტომები:

კანის უბანი, რომელზეც აღნიშნული დაავადება არის გავრცელებული, იცვლება ასაკთან ერთად. ჩვილებში და პატარა ბავშვებში ატოპიური დერმატიტი გვხდება სახეზე, იდაყვებზე და მუხლებზე. დიდ ბავშვებში და მოზრდილებში გვხვდება ხელებზე, ფეხებზე, მხრებზე და მუხლების უკანა ზედაპირზე. ძირითადი სიმტომები არის:

• მშრალი, აქერცვლადი კანი.
• კანის ზედაპიზე ამოწეული და შესიებული პატარა სივრცე, რომელიც გაკაწვრისას/მოფხანვისას ხდება სველი.
• კანის შესიება და გაწითლება.
• კანის გასქელება (ქრონიკული ეგზემის დროს)

ხშირად ის შეიძლება გავდეს კანი სხვა დაავადებას, ამიტომ აუცილებელია რომ დიაგნოზი დასვას ექიმმა-დერმატოლოგმა!

როგორ ხდება ეგზემის დიაგნოზის დასმა?

ართრიტების, კანის და ძვალ-სახსროვანი დაავადებების სახელმწიფო დაწესებულების ცნობით (National Institute of Arthritis and Musculoskeletal and Skin Diseases) ჩვილების და ბავშვების მინიმუმ 10%-ს აღენიშნებათ ატოპიური დერმატიტი. დიაგნოზი ეფუძნება სამედიცინო ისტორიას და ფიზიკურ გამოკვლევას, თუმცა ასევე შეიძლება მოიცავდეს:

• ოჯახის ისტორიას (დედებს, რომლებსაც აღენიშნებათ ალერგია უფრო მეტად უჩნდებათ ეგზემისკენ მიდრეკილი ბავშვები)
• პაციენტის ალერგიის და ასთმის ისტორიას
• სისხლის ანალიზებს

ატოპიური დერმატიტის მკურნალობა:

არ არსებობს მედიკამენტები, რომლებიც განკურნავენ ეგზემას. არსებობს პრეპარატები რომლებიც ამცირებენ/ამსუბუქებენ სიმპტომებს. ასევე, არსებობს უამრავი წესი, რომლის დაცვითაც თავს ავარიდებთ მის გამწვავებას – კანი არ უნდა გამოშრეს, უნდა გამოვიყენოთ დამატენიანებლები და ავარიდოთ თავი გამღიზიანებელს, რომელიც ამწვავებს მას.

რიგ შემთხვევებში ექიმი ნიშნავს: ანტიჰისტამინურ (ალერგიის საწინააღმდეგო) პრეპარატებს – ქავილის შესამცირებლად და სტეროიდულ (ჰორმონალურ მალამოებს) – ქავილის და შესიების შესამცირებლად.

რათქმაუნდა მკურნალობას ნიშნავს გამოცდილი ექიმი, რომელიც ბავშვის ასაკის, წონის, დაავადების სიმწვავის მიხედვით ნიშნავს ამა თუ იმ წამალს. ამიტომ აუცილებლად მიმართეთ ექიმს.