რა უნდა ვიცოდეთ ანტიბიოტიკების შესახებ?

რა არის ანტიბიოტიკი?

ანტიბიოტიკი არის წამალი, რომელიც გამოიყენება ბაქტერიით გამოწვეული ინფექციების სამკურნალოდ. ის არ მოქმედებს ისეთ ინფექციებზე, რომლებიც გამოწვეულია ვირუსის მიერ: გაციება და გრიპი. შესაბამისად, ამ წამლების გამოყენებას არანაირი აზრი არ აქვს უბრალო გაციების და გრიპის დროს. იმ შემთხვევაში თუ მას მაინც გამოვიყენებთ, შედეგად მივიღებთ იმას, რომ როდესაც ანტიბიოტიკი მართლა დაგვჭირდება რაიმე სერიოზული ინფექციის სამკურნალოდ, მისი ეფექტი არ იქნება ისეთი როგორიც უნდა იყოს.  სამედიცინო ენაზე ამას ეძახიან – ანტიბიოტიკის რეზისტენტობას. გარდა ამისა, იზრდება რისკი სხვადასხვა გვერდითი ეფექტების როგორებიცაა: გამონაყარი, კუჭის პრობლემები, ფაღარათი და ა.შ.

როდის გვჭირდება ან არ გვჭრდება ანტიბიოტიკი?

გამომწევევი: ვირუსი – ანტიბიოტიკი არ არის საჭირო

• შემცივნება, გამონადენი ცხვირიდან – 10 დღე, ხველა – 3 კვირა
• ყელის ტკივილი – 1 კვირა, სინუსიტი – 20 დღე
• ყურის ანთება ბავშვებში – 4 დღე
• გულისრევა, ფაღარათი

გამომწვევი: ბაქტერია – ანტიბიოტიკი არის საჭირო

• საშარდე გზების/თირკმლის ინფექცია
• მუდმივი ხველა, ძალიან მაღალი სიცხე
• კანის ინფექციები
• მენინგიტი
• ანტიბიოტიკი არის საჭირო

რათქმაუნდა, ეს ცხრილი არ არის სრულყოფილი. ეს არის იმისთვის, რომ ზოგადი წარმოდგენა შეგიქმნათ იმის შესახებ, რომ ჩვეულებრივი ვირუსის დროს არ შეიძლება ანტიბიოტიკის გამოყენება! გართულების შემხვევაში უნდა მიმართოთ ექიმს და ის გადაწყვიტავს საჭიროა თუ არა ანტიბიოტიკის დანიშვნა.

ხშირად მინახავს დედები, რომლებიც პატარას ოდნავ წამოხველებაზეც კი გარბიან აფთიაქში და თავისი ნებით აძლევენ მას ანტიბიოტიკს. ეს არის ყოვლად დაუშებელი! მინდა ყველა მშობელმა ეს კარგად გაიაზროს. მეც დედა ვარ და ვიცი რა არის შვილის ჯანმრთელობაზე ნერვიულობა, მაგრამ ანტიბიოტიკის არამიზნობრივად გამოყენების შედეგად გარდა იმ გვერდითი ეფექტებისა რაც ჩამოვთვალეთ, ბავშვს დაუქვეითდება იმუნიტეტი. ამას დაემატება ის, რომ მასზე უკვე ანტიბიოტიკი ისე ვეღარ იმოქმედებს როგორც საჭიროა და საბოლოოდ მივიღებთ ცუდ ან კარგ შემთხვევაში, არასასურველ შედეგს.