3 მითი საკვებთან დაკავშირებით რის გამოც ბავშვები წონაში იმატებენ

დაავადებათა კონტროლის ეროვნული ცენტრის მონაცემების მიხედვით, ბავშვებში სიმსუქნე გაზრდილია ორჯერ უფრო მეტად იმასთან შედარებით, ვიდრე ის იყო 30 წლის წინ. ბევრი მშობელი ვერ პოულობს იმის მიზეზს, თუ რატომ განაგრძობს მისი ბავშვი წონაში მატებას.

არსებობს უამრავი აზრი ჯანსაღ საკვებთან დაკავშირებით. ერთი შეხედვით ჯანმრთელი პროდუქტი შესაძლებელია იყოს წონაში მატების მათავარი მიზეზი. იმისთვის რომ ამ ყველაფერში კარგად გაერკვიოთ, გთავაზობთ ჯანსაღ კვებასთან დაკავშირებულ რამდენიმე მითს:

მითი N1 – საკები რომელთაც აქვთ წარწერა ,,დიეტური”  ,,Gluten-free”  ან  ,,ორგანული” არის ჯანმრთელი არჩევანი:

საკვების რეკლამამ და მისმა მარკირებამ შეიძლება შეცდომაში შეიყვანოს ნებისმიერი ჩვენგანი და დააჯეროს, რომ ის არის ჯანმრთელი პროდუქტი. როდესაც ჩვენ ვფიქრობთ იმაზე თუ რა ვაჭამოთ ბავშვს, რომელიც არის ზრდის პროცესში, მნიშვნელოვანი და აუცილებელია, რომ საკვები სწორად შეფასდეს. უნდა შეხედოთ მის შემადგენლობას, მაგალითად: Sodium – ნატრიუმი, artificial sweeteners – ხელოვნური დამატკბობლები, კალორიები და ა.შ.

Na – ნატრიუმმა შესაძლებელია გამოიწვიოს წნევის მომატება, ბავშვებშიც კი. მისი შემცირება აუცილებელია ჭარბწონიან ბავშვებში, რათა მომავალში შემცირდეს გულთან დაკავშირებული პრობლემების რისკი. ასევე, უნდა დააკვირდეთ ხელოვნურ დამატკბობლებს. ისინი იწვევენ მადის მომატებას და შედეგად ბავშვი ჭამს იმაზე მეტს, ვიდრე მის გარეშე შეჭამდა. ასევე, არსებობს შედარებით მაღაკალკალორიული საკვები, მდიდარი A, B, C, D ვიტამინებით, კალციუმით და რკინით.

მითი N2 – წვენი არის ჯანმრთელი სასმელი ბავშვებისთვის

ბევრ მშობელს სჯერა, რომ რადგან ხილი არის სასარგებლო, ხილის წვენიც ასევე სასარგებლო იქნება. სინამდვილეში ეს მაღალკალორიული, შაქრით გაჯერებული სასმელი ხელს უწყობს წონის მატებას. საზოგადოების გარკვეული ნაწილი ამტკიცებს, რომ ამ სასმელებს აქვთ მაღალი კვებითი ღირებულება, რადგან შესაძლებელია ისინი შეიცავდნენ ვიტამინებს. ყველაზე კარგი გამოსავალი ამ შემთხვევაში არის – მისცეთ თქვენს პატარას ცოცხალი ხილი საჭმელად, რითაც მისი ორგანიზმი ვიტამინების გარდა, იმ ბოჭკოებსაც შეითვისებს, რომელიც იკარგება წვენის დამზადების პროცესში.

მითი N3 – ხორბლის პური არის ჯანმრთელი პური

ჩვეულებრივ თეთრ და ხორბლის პურს შორის სხვაობა იმაზე ბევრად  ნაკლებია, ვიდრე ეს საზოგადოების უმეტეს ნაწილს  ჰგონია. ორივე შეიცავს დიდი რაოდენობით გლუკოზას. ის არა მხოლოდ წონაში მომატებას იწვევს, არამედ ზრდის დიაბეტის რისკსაც.