როდის და როგორ უნდა ვასწავლოთ პატარას ქართული ანბანი?

24 დეკ 2018
მომხმარებელი John 123456789876543217

პატარას გონებრივი და ფიზიკური განვითარებისთვის თამაშს დიდი როლი ენიჭება. თამაშის მნიშნველობის შესახებ ბევრი ცნობილი კვლევა არსებობს და ყველა მათგანი მიუთითებს, რომ თამაშს ბავშვის სენსორული და გონებრივი უნარ-ჩვევების განვითარებაზე დიდი გავლენა აქვს. თამაში იმდენად მნიშვნელოვანია ბავშვებისთვის, რომ ბავშვთა უფლებების შესახებ კონვენციის მიერ აღიარებულია როგორც ბავშვის უფლება. თამაშის დროს პატარას უვითარდება ბევრი უნარი და ამავე დროს იძენს ახალ ცოდნასაც. ამიტომ, მნიშვნელოვანია სასწავლო პროცესი ასაკთან შესაბამისად დაიგეგმოს და თამაშის კომპონენტიც გათვალისწინებული იყოს.

დაბადებიდან 3 წლამდე, ბავშვებს ძალიან უყვართ როდესაც გამოცემენ სხვადასხვა ხმებს, უყვართ ცხოველების ხმების იმიტაცია, ძალიან უყვართ როდესაც უფროსები უკითხავენ ან უყვებიან პატარა ისტორიებს, უყვართ ფერებისა და ფორმების აღმოჩენა. 4 წლიდან კი შეუძლიათ თავისუფლად განასხვაონ ფერები, თანდათან გაათვითცნობიერონ, რომ სიტყვები შედგება ასოებისგან, ააწყონ პაზლები. ეს არის კარგი ასაკი იმისათვის, რომ ბავშვებს შევასწავლოთ ასო-ბგერის ცნება და თანდათან ვასწავლოთ ანბანიც. ამ დროს ძალიან მნიშვნელოვანია, რომ სწავლის პროცესი მთლიანად აგებული იყოს თამაშზე. თამაშის მეშვეობით სწავლის პროცესი რა თქმა უნდა უფრო სახალისო და სასიამოვნოა, მაგრამ ამავე დროს, სწორედ თამაშის დახმარებით ბავშვი თანდათან სწავლობს სირთულეების დაძლევას და ივითარებს სწავლის უნარს. ამ ასაკში სწორედ სწავლის უნარის გამომუშავება უფრო მნიშვნელოვანია, ვიდრე ანბანის დაზეპირება. ამიტომ, მნიშვნელოვანია პროცესი სახალისო და შემეცნებითი იყოს ბავშვისთვის. თუ ხედავთ, რომ ბავშვი მზად არ არის, არ დააძალოთ, თუმცა არც დანებდეთ. გარკვეული დროის შემდეგ ისევ სცადეთ თამაში.თუ მშობელი ბრძანდებით, ალბათ ჩვენსავით გაგახარებთ ის ფაქტი, რომ საქართველოში უკვე გამოჩნდა კომპანია „ბროკოკოლის“ მიერ გამოშვებული მაღალი ხარისხის თამაშები, რომლებიც 4-6 წლის ბავშვებს ქართული ასოების სწავლასა და ცნობას შეაყვარებს.კომპანია „ბროკოკოლი“ დაარსა ქართველმა მშობელმა, რომელსაც კარგად ესმის ამ ასაკის ბავშვთა პრობლემები და საჭიროებები.წარმოგიდგენთ „ბროკოკოლის“ სამ თამაშს, სათამაშოები შეგიძლიათ შეიძინოთ ონლაინ აქ ან nido baby-ს მაღაზიაში ნუცუბიძის 82 ნომერში.

  • ანბანი – ერთად ვისწავლოთ კითხვა
  • სახალისო მარცვლები
  • ანბანი – ერთად ვისწავლოთ წერა
ანბანი – ერთად ვისწავლოთ კითხვა

ყუთში მოთავსებულია პაზლის ნაწილები, რომელთა აწყობითაც მიიღებთ 33 ბარათს. თითოეული ბარათი გაყოფილია ორ ნაწილად: მარცხენა მხარეს მოცემულია ილუსტრაცია და სიტყვა, ხოლო მარჯვენა მხარეს მოცემულია შესაბამისი ასო-ბგერა.ფერების დახმარებით, ბავშვები მარტივად შეძლებენ ბარათების აწყობას. დიდების დახმარებით, კი ისწავლიან ახალ სიტყვებს და ასო-ბგერებს. მაგალითად, როდესაც პატარას კითხავთ რა არის ბარათზე გამოსახული, მარტივად გიპასუხებთ, რომ ეს არის ჟირაფი. თუ კითხავთ რა ასო-ბგერით იწყება სიტყვა ჟირაფი – დიდი ალბათობით ვერ გიპასუხებთ, სანამ თქვენ თვითონ არ აუხსნით. ამის შემდეგ კი თამაში ძალიან სახალისო ხდება. მიუთითეთ ნებისმიერ აწყობილ ბარათზე და თხოვეთ დაასახელოს ბარათზე გამოსახული სიტყვის პირველი ასო. გარკვეული პერიოდი შეგიძლიათ ითამაშოთ გამოცნობანა. ყველა ბარათის „გამოცნობის“ შემდეგ უკვე შეგიძლიათ მეტი ყურადღება გადაიტანოთ ასო-ბგერის ვიზუალურ მხარეზე. მაგალითად, ბარათებში მოძებნეთ ასო-ბგერა „ჟ“ და თხოვეთ თქვენს პატარას „გამოიცნოს“ რომელი ასო-ბგერაა გამოსახული ბარათზე. დაეხმარეთ შესაბამისი ილუსტრაციის პოვნაში და შემდეგ გაახსენეთ რომ ეს არის სიტყვის პირველი ასო.4-6 წლის ასაკის ბავშვი თავისუფლად შეძლებს თამაშში მოცემული მარტივი პაზლების აწყობას, თუმცა დიდების ჩართულობით თამაშის პროცესი კიდევ უფრო სახალისო და სასარგებლო გახდება. გთხოვთ, გაითვალისწინოთ რომ მნიშვნელოვანია მოერგოთ ბავშვის ინტერესს და შესაძლებლობებს. არ დააძალოთ და არ დააჩქაროთ ასო-ბგერების სწავლა. არ არის სავალდებულო ბავშვმა ანბანი სკოლამდელ ასაკამდე იცოდეს. საკმარისია იცოდეს მათი არსებობის შესახებ.

სახალისო მარცვლები

ყუთში მოთავსებულია 20 სიტყვის შესაბამისი ბარათები. თითოეული ბარათი დაყოფილია იმდენ ნაწილად, რამდენი მარცვალიცაა სიტყვაში. ბარათის აწყობას კი ბავშვი შეძლებს ილუსტრაციის და ფერების მიხედვით. მაგალითად, ბარათი „მანქანა“ გაყოფილია 3 ნაწილად. ყველაზე რთული ასაწყობი ბარათი კი არის „მატარებელი.“ბარათების აწყობის შემდეგ ბავშვებს თხოვეთ წარმოთქვან ბარათზე გამოსახული ილუსტრაციის შესაბამისი სიტყვა. სიტყვების ხმამაღლა დამარცვლა დაიწყეთ ორ-მარცვლიანი ბარათებით: „გე-მი,“ „მე-ლა.“ დამარცვლის დროს თან გაამახვილეთ ყურადღება, რომ ბარათის ერთი ნაწილია „გე“ ხოლო მეორეა „მი.“ თანდათან გაართულეთ და გადადით 3, 4 და 5 მარცვლიან სიტყვებზე.არ არის სავალდებულო სკოლამდელი ასაკის ბავშვმა იცოდეს კითხვა. მთავარია რომ შეძლოს სიტყვების დამარცვლა, რაც მნიშვნელოვნად დაეხმარება მომავალში კითხვის დროს.

ერთად ვისწავლოთ წერა

  • თამაშში მოცემულია 33 ბარათი. თითოეული ბარათის ერთ მხარეს მოცემულია სიტყვა, ასო-ბგერა და შესაბამისი ილუსტრაცია ხოლო მეორე მხარეს გამოწერილია სიტყვის შესაბამისი ასო-ბგერა.
  • ყუთში მოთავსებულია ანბანის ყველა ასოს შესაბამისი ბარათი.
  • მშობლებს საშუალება ეძლევათ სამახსოვროდ შეინახონ გამოწერილი ასოების ნიმუშები.
  • თამაში რეკომენდებულია 6 წლის ასაკის ბავშვებისთვის (ან როდესაც სკოლაში დაიწყებენ წერის შესწავლას)

კომენტარები

კომენტარეები ვერ მოიძებნა

მიმიხილვის დაწერა