როგორ შევარჩიოთ ლურჯი სუფრა?

28 მარ 2019
მომხმარებელი George Shengelia
როგორ შევარჩიოთ ლურჯი სუფრა?

პირველ რიგში გვინდა შეგახსენოთ, რომ ჩვენს საიტზე, პროდუქციის აღწერილობაში, ყველა სუფრას აწერია ზომა, მასალა და მოვლის წესები. თუმცა ჩვენ მაინც შევეცდებით რომ შერჩევა ცოტა გაგიმარტივოთ.

თუ დახმარება დაგჭირდათ აუცილებლად დაგვირეკეთ (2 42 09 42) ან მოგვწერეთ FB-ის ჩატში.

ზომა

ჩვენს საიტზე ბევრი სუფრაა, თუმცა საქმეს გაგიმარტივებთ და გეტყვით რომ ყველაზე პოპულარული, და ხელმისაწვდომი, ორი სტანდარტული ზომაა:

210 x 140 (კალაუბანი) - ზე რომელიც სტანდარტული 6 კაციანი ზომის მაგიდას კარგად ფარავს.

140 x 140 (მადათოვი) - უფრო პატარა ვერსია, 4 კაციანი ან ჟურნალების მაგიდებისთვის.

რანერი (ჩორსუ) - ძალიან პოპულარული და ხელმისაწვდომი არის რანერი, გრძელი ვიწრო მოდელი, რომელიც ნებისმიერი ზომის მაგიდას დაამშვენებს (სიგრძეში ან სიგანეში გადაფარებული).

უფრო დიდი მაგიდის მეპატროეებისთვის:

თქვენ 3 ვარიანტი გაქვთ.

  1. ყველაზე საინტერესო და ჩვენც ჩვენი ერთგული მომხარებლებისგან გავიგეთ - რამდენიმე მადათოვს დიდ მაგიდაზე გადაფარება - ხშირად სხვადასხვა ფერებს, რაც ძალიან ლამაზი გამოდის.
  2. თუ პირველი ვარიანტის ბიუჯეტი არ გაქვთ, შეგიძლიათ ჩვეულებრივ თეთრ სუფრაზე ლურჯი სუფრა გადააფაროთ - რესტორნებში ნანახი გექნებათ, ძალიან ლამაზი გამოდის.
  3. ბოლო-ბოლო რანერით შეგიძლიათ გაალამაზოთ თქვენი ინტერიერი.

მასალა

პოლიესტერი - ანუ იგივე ხელოვნური ბამბა. ჩვენს პოლიესტერში ხელის მოკიდებიდანვე იგრძნობა ,სირბილე და სასიამოვნო ფაქტურა. ყველა სიკეთესთან ერთად,მასზე საკმაოდ რთულად ეტყობა ლაქები - ჩვენი ერთგული მომხმარებლების შეფასების მიხედვით,პოლიესტერის სუფრები გმირულად უძლებენ ნებისმიერი ინტენსივობის ლაქას. ასევე სუფრები რეცხვასთან ერთად არ იცრიცება და არ სჭირდება გაუთოვება.

პოლიესტერის ფაქტურის ლურჯი სუფრა შესანიშნავი გადაწყვეტილებაა იმ შემთხვევაში როცა,სუფრას ყოველდღიურად მოიხმართ,არ შეგეშინდეთ ღვინის ლაქების, არც იმის რომ თქვენი პატარა იმდენად ღრამა ლაქას დაამჩნევს სუფრას რომ ვერ ამოიყვანთ.

ბამბა - კარგია რეცხვაში, თუმცა ლაქების ამოყვანა ბამბიდან უფრო გაგიჭირდებათ,ის ბევრად ფაქიზია ვიდრე პოლიესტერი. სჭირდება დაუთოვება. თუმცა აუცილებლად მიაქციეთ ყურადღება არის თუ არა ბამბის სუფრა ხელნაკეთი - ხელნაკეთი ბამბის სუფრები უნდა გაირეცხოს ხელით და მათ ძირითადად დეკორატიული ფუნქცია აქვს.

ასევე ჩვენი მომხმარებლისგან გაგვიგია, რომ ბამბის სუფრა ძალიან ძვირფასი და სოლიდური საჩუქარია.

ისტორია

ტრადიციული ლურჯი სუფრა XIX-XX საუკუნეების ქართული ყოფის ერთ-ერთი გამორჩეული და სახასიათო ატრიბუტი იყო, რომელიც ფართოდ გამოიყენებოდა საზოგადოების ყველა ფენაში და, როგორც მკვლევრები და ხელოვნებათმცოდნეები ამბობენ, ლურჯი სუფრის დამზადების ტექნოლოგია საქართველოში, სავარაუდოდ, ირანიდან და ინდოეთიდან შემოვიდა. ეს ტექნოლოგია კი ერთობ უცნაური და რთული იყო. ბუნებრივი ქსოვილი, უმეტესწილად, ბამბა და სელი, ხის საბეჭდები, ცვილი და, რაც მთავარია, ინდიგო, რომელიც თეთრ ქსოვილს ლურჯად ღებავდა.სხვა ქვეყნებისგან განსხვავებით,ქართველებმა მხოლოდ ლურჯი ფერი აირჩიეს ერთ-ერთი მოსაზრებით,ლურჯის არჩევა იმანაც განაპირობა,რომ მასზე შავი ღვინის ლაქა ნაკლებად ემჩნეოდა.

ფერი

ტრადიციულად,სუფრებში,ცხადია ლურჯი ფერი ლიდერობს თუმცა, თავად ტრადიციულ ფერს აირჩევთ თუ ბორდოსფერს ,ანდაც მწვანეს ეს უკვე თქვენი გადასაწყვეტია.

ლურჯი ფერი არის შემწყნარებელი ფერი, იგი ამშვიდებს სხეულს და გონებას, ქმნის უსაფრთხოების და ნდობის ატმოსფეროს.

ყველასთვის კარგად არის ცნობილი, რომ მწვანე ფერი ადამიანზე დადებითად მოქმედებს. ფსიქოლოგები აღნიშნავენ, რომ თუ ადამიანს სურს სიმშვიდე შეინარჩუნოს და ამავდროულად სამუშაო გარემოც შეიქმნას, მან რაც შეიძლება მეტი მწვანე ფერის ნივთი უნდა შემოიკრიბოს გარშემო.

წითელი ზოგადად ასოცირდება გართობიასთან, მხიარულებასთან ის დღესასწაულის ფერია.

ორნამენტები

ფონზე თეთრი ორნამენტები,აღმოსავლური მანები, ქორბუდა ირმები, ჩიტები, თევზები, საყოფაცხოვრებო ნივთები, დანები თუ ჩანგლები, ადამიანები ,მოცეკვავე ქალ-ვაჟები - ეს ტრადიციული ლურჯი სუფრის მთავარი მახასიათებლებია.

გეგონებათ ეს ორნამენტები სუფრის გაშემო შემომსხდარ ადამიანებს ამბებს უყვებაო, საკრალურია მასზე გამოსახული დეკორატიული მოტივები, მაგალითად, ირემი - ერთ-ერთი ყველაზე ფართოდ გავრცელებული მოტივი ლურჯ სუფრებში. წარმართული წარმოდგენებით ის ზესკნელის, სიცოცხლის ხესთან დაკავშირებული ცხოველია. ჩიტი - ქართულ მითოლოგიაში სიცოცხლის ხის ფრინველია. თევზი - ქრისტიანულ რელიგიაში იესო ქრისტე ალეგორიულად თევზის სახით გამოისახება.

კომენტარები

კომენტარეები ვერ მოიძებნა

მიმიხილვის დაწერა