როგორ დავიცვათ ბავშვი ტელევიზიის მავნე გავლენისგან?

06 იან 2019
მომხმარებელი John 123456789876543217
როგორ დავიცვათ ბავშვი ტელევიზიის მავნე გავლენისგან?

ტელევიზორი თითქმის ყველა ოჯახში მოიძებნება და მას ისეთივე წარმატებით იყენებენ ბავშვები, როგორც უფროსები.

თავდაპირველად აღვნიშნავ, რომ სატელევიზიო სივრცეში არსებობს ბავშვებისთვის შესაფერისი საგანმანათლებლო პროგრამები და ანიმაციები, რისი ყურებაც მათზე დადებითად მოქმედებს. თუმცა ეს ყოველთვის ასე არ ხდება.ამიტომ, ჩვენი, როგორც მშობლების მთავარი ამოცანა ის არის, რომ დავიცვათ ჩვენი შვილები ტელევიზიის მავნე ზეგავლენისგან

  • მნიშვნელოვანია, დააწესოთ გარკვეული ლიმიტი. ამერიკელ პედიატრთა აკადემია გვირჩევს, რომ 2 წლამდე ასაკის ბავშვებმა საერთოდ არ უნდა უყურონ ტელევიზორს, ხოლო 2-5 წლამდე ასაკის ბავშვებმა კი დღის განმავლობაში ტელევიზორთან 1 საათზე მეტი დრო არ უნდა გაატარონ.
  • ტელევიზორში ხშირად ვხვდებით მაღალკალორიული, არაჯანსაღი საკვების რეკლამებს, 8 წლამდე ბავშვები კი ხშირ შემთხვევაში ვერც კი ხვდებიან რეკლამების დანიშნულებას. ამიტომ აუცილებელია აუხსნათ მათ, თუ რა დატვირთვა აქვს რეკლამას
  • აგრეთვე უცხო არ არის გადაცემები, ფილმები, სადაც მონაწილე პირები ეწევიან, სვამენ, იღებენ ნარკოტიკებს. კვლევებმა აჩვენა, რომ ბავშვები რომლებიც უყურებდნენ დიდი რაოდენობით სექსუალური შინაარსის პროგრამებს, სქესობრივ ცხოვრებას უფრო ადრე იწყებდნენ, ვიდრე მათი თანატოლები
  • ტელევიზიაში ძალადობის თემას ვერ გავექცევით. ის გვხვდება არა მხოლოდ ფილმებში, არამედ ანიმაციებშიც კი. ამიტომ აკონტროლეთ თუ რას უყურებს თქვენი შვილი, რადგან ძალადობის ყურებამ შესაძლოა გამოიწვიოს ქცევისა და ძილის პრობლემები, ღამის კოშმარები.
  • უმჯობესია ტელევიზორს თქვენს შვილთან ერთად უყუროთ და ელაპარაკოთ მას გადაცემების შესახებ. გაიგოთ რა მოეწონა და რა არა
  • გაითვალისწინეთ, რომ სერიალები და ე.წ თოქშოუები არ არის ბავშვებისთვის რეკომენდირებული
კვლევების მიხედვით ის ბავშვები, რომლებიც დიდ დროს ატარებენ ტელევიზორთან არიან უფრო აგრესიულები, სკოლაში გამოირჩევიან ნაკლები ენთუზიაზმით, თანამშრომლობის და წარმოსახვის უნარით. ხშირად მიდრეკილი არიან სიმსუქნისკენ

ავტორი: ანა ჯანაშია

კომენტარები

კომენტარეები ვერ მოიძებნა

მიმიხილვის დაწერა