ჭურჭლის სარეცხი მანქანები

ჭურჭლის ხელით რეცხვა დისკომფორტის გარდა მავნებელიცაა, რადგან ქიმიური საშუალებები უარყოფითად მოქმედებს კანზე. საბედნიეროდ არსებობს ჭურჭლის სარეცხი მანქანები, რომლებიც ჩვენ მაგივრად რეცხავენ ჭურჭელს და ამ დისკომფორტს გვარიდებენ. „ჭურჭლის სარეცხი მანქანა მჭირდება!“ იტყვი ამ ფრაზას და ყიდვამდე მხოლოდ ერთი ნაბიჯი დაგრჩება. მაგრამ, როცა საყიდლად წახვალ, ან ინტერნეტში დაიწყებ თვალიერებას აღმოაჩენ, რომ ჭურჭლის სარეცხი მანქანების ბაზარი სავსეა სხვადასხვა ბრენდების აუარებელი მოდელებით, უმრავლესობა ერთმანეთს ჰგავს, თუმცა ფასები განსხვავებულია. თუ დაიბენი არაუშავს, ეს ბუნებრივია. ამ ბლოგის წაკითხვა არჩევანის გაკეთებას გაგიადვილებს.

როგორ შევარჩიოთ ჭურჭლის სარეცხი მანქანა

რეკლამებში და აღწერებში უამრავ ფუნქციას წააწყდები, რა თქმა უნდა რაც უფრო მეტი ფუნქცია აქვს, მით უფრო ძვირი ღირს ჭურჭლის სარეცხი მანქანა. თუმცა ბევრი ფუნქცია არ ნიშნავს იმას, რომ ზუსტად ისე რეცხავს, როგორც შენ გჭირდება. შეიძლება შენ არ გჭირდებოდეს კონკრეტული, სპეციფიკური ნივთების გარეცხვის ფუნქცია, ან დაბლოკვის ფუნქცია ბავშვმა რომ ვერ გახსნას ჭურჭლის სარეცხი მანქანა, რადგან შეიძლება სულაც არ გყავს ოჯახში ბავშვი. ზოგ ჭურჭლის სარეცხ მანქანას თხუთმეტზე მეტი ფუნქცია აქვს, ზოგს გაცილებით ნაკლები, მაგრამ შენ შეიძლება სწორედ ეს ნაკლებიანი გჭირდებოდეს. შეზღუდული ბიუჯეტი თუ გაქვს, მაგრამ თან ფუნქციებიც არ გინდა ცოტა ჰქონდეს, ბეკოს ჭურჭლის სარეცხი მანქანები უნდა დაათვალიერო.

ჭურჭლის სარეცხი მანქანის მთავარი ფუნქცია ნამდვილად კარგად გარეცხვაა, თუმცა ასევე ძალიან მნიშვნელოვანია გაშრობა. წარმოიდგინე ხსნი და შიგნით სულ სველი ჭურჭელია, ხელით მოგიწევს გაშრობა. ეს ნამდვილად იმედგაცრუება იქნება. ასეთი ჭურჭლის სარეცხი მანქანები იაფი ღირს, მაგრამ მზად ხარ ასეთი დისკომფორტისთვის? თუ არა, მაშინ ყიდვამდე აუცილებლად მიაქციე ყურადღება მახასიათებლებს, რათა არ გამოგრჩეს შეუძლია თუ არა სათანადოდ გაშრობა.

ადრე ყველა ჭურჭლის სარეცხი მანქანა ხმაურიანი იყო, იმდენად ხმაურიანი, რომ იმავე სივრცეში საუბარი თითქმის შეუძლებელი ხდებოდა. დღესდღეობით არსებობს ჭურჭლის სარეცხი მანქანების ვარიანტები, რომლებიც საკმაოდ წყნარად მუშაობს. შენ უბრალოდ უნდა იცოდე დეციბალის რაოდენობა. ადამიანების ნორმალური საუბრის დონე 55 და 65 დეციბალს შორისაა. შესაბამისად არჩევანი 55 დბ-მდე ხმაურის სიხშირის ჭურჭლის სარეცხ მანქანაზე უნდა შეაჩერო, თუ რა თქმა უნდა ყვირილით საუბარი არ გიყვარს. თუ განსაკუთრებით მგრძნობიარე ხარ ხმაურის მიმართ, თავისუფლად შეგიძლია 50 დბ-ზე ნაკლები სიხშირის ჭურჭლის სარეცხი მანქანა შეარჩიო.

თუ ბიუჯეტი საშუალებას გაძლევს, იფიქრე ერგონომიული დიზაინის ჭურჭლის სარეცხი მანქანის ყიდვაზე, რათა მოათავსო მეტი ჭურჭელი. ერგონომიულში თაროები კომპაქტურადაა განლაგებული.

დარწმუნდი, რომ შეამოწმე შენი ჭურჭლის სარეცხი მანქანის ინსტრუქცია, რათა გაიგო ოპტიმალურად როგორ ჩატვირთო. ეს ხშირად დიდ გავლენას ახდენს გასუფთავების ხარისხზე. თუ ჭურჭლის სარეცხ მანქანას რეგულირებადი თაროები აქვს დამატებითი ადგილი გექნება დიდი და მაღალი ნივთებისთვის, როგორიცაა ღვინის ჭიქები ან დიდი თეფშები.

მნიშვნელოვანია რა მასალისგან არის დამზადებული ჭურჭლის სარეცხი მანქანის კორპუსი, უჟანგავი ფოლადისგან თუ პლასტმასისგან. უჟანგავი ფოლადი გაზრდის ჭურჭლის სარეცხი მანქანის ფასს, თუმცა უსაფუძვლოდ არა. უჟანგავი ფოლადი აძლიერებს გაშრობის ეფექტურობას. უფრო გამძლეა და ფერს არ კარგავს. პლასტმასა თანხას დაგაზოგინებს და ეს არ იმოქმედებს ჭურჭლის გასუფთავებაზე, მაგრამ იმოქმედებს გაშრობაზე.

ენერგოეფექტური არის სიტყვა, რომელიც ხშირად გვესმის, მაგრამ კონკრეტულად რას ნიშნავს? ძირითადად საუბარია ჭურჭლის სარეცხ მანქანებზე, რომლებიც რაც შეიძლება ნაკლებ უარყოფით გავლენას ახდენს გარემოზე. მსგავსი ჭურჭლის სარეცხი მანქანები ნაკლებ ენერგიას ხარჯავენ. ენერგოეფექტურობა მეტყველებს იმაზე, თუ რამდენად ეფექტურად იყენებს მოწყობილობა რესურსებს, იქნება ეს ელექტროენერგია თუ წყალი.

ჭურჭლის სარეცხის მანქანის მოვლა

რომელი ჭურჭლის სარეცხი მანქანაც არ უნდა აირჩიო, გინდა, რომ დიდი ხნის განმავლობაში გამოიყენო. არავის უნდა მეტი თანხის დახარჯვა შეკეთებისთვის ან ნაადრევად გამოცვლისთვის. როგორც უკვე აღვნიშნე უჟანგავი ფოლადის ჭურჭლის სარეცხი მანქანა უფრო მეტხანს ძლებს, ვიდრე პლასტმასის ტუბებით. ასევე უნდა დარწმუნდე, რომ შენი ჭურჭლის სარეცხი მანქანა სწორად არის დაინსტალირებული - არასწორად დამაგრებული სადრენაჟე ტუბები შეიძლება დაიბლოკოს და დააზიანოს ჭურჭლის სარეცხი მანქანა.

შენ შეგიძლია უზრუნველჰყო ჭურჭლის სარეცხი მანქანის გამძლეობა რეგულარული მოვლისა და მუდმივი წმენდით. ფილტრები უნდა გაიწმინდოს ინსტრუქციაში მითითებულ ინტერვალებში, ასევე მნიშვნელოვანია მაღალი ხარისხის სარეცხი საშუალებების არჩევა, რადგან უხარისხი აფუჭებს ჭურჭლის სარეცხ მანქანას.

ამ ფაქტორების გათვალისწინებით, ხარისხიანი და ეფექტური ჭურჭლის სარეცხი მანქანები განვადებით შეგიძლია შეიძინო ნიდოზე. აარჩიე როგორი ჭურჭლის სარეცხი მანქანა გინდა: ბიუჯეტური ჭურჭლის სარეცხის მანქანა მხოლოდ შენთვის აუცილებელი ფუნქციებით, თუ უამრავი შესაძლებლობით. ნიდოზე ასევე შეგიძლია ჩასაშენებელი ჭურჭლის სარეცხი მანქანა შეიძინო, საკმაოდ ფართო ასორტიმენტი დაგხვდება.

ამ კატეგორიაში პროდუქცია არ არის